獨家試愛︳方力申出Po賀電影上映16周年 親謝鄧麗欣 網民：支持追番佢

方力申同前女友Stephy鄧麗欣曾合作《獨家試愛》、《十分愛》、《我的最愛》及《紀念日》等電影，在導演葉念琛鏡頭之下，Stephy成就經典角色「阿寶」。

方力申同Stephy既是經典熒幕情侶，現實中亦曾是真正拖友，女方於節目《蜜月到訪》內承認他們2006年為電影《獨家試愛》宣傳時已開始交往，但二人於2016年分手，當時透過經理人公司發表聲明，結束這段10年的愛情。

{{hket:inline-image name="1024_fb7015391116d81f060961b0bf918879.jpg"}}{{/hket:inline-image}}

{{hket:inline-image name="1024_51b4f5e3233d8aae2ab2ade77904c8bb.jpg"}}{{/hket:inline-image}}

同場加映：丘梓謙演蔥頭圓韓團夢無懼負評 與麥皓兒姊弟戀8年話題不斷

{{hket:ul-video id="5463"}}{{/hket:ul-video}}

電影《獨家試愛》是2006年在港放映，這日（3.23）正是16周年紀念，有網民在IG溫馨提示，身為男主角的方力申、導演葉念琛也有留意，並轉發同大家分享。方力申出Post道出個人感受：「雖然我喊到成個小朋友咁，有啲醜怪，但係咁就過咗16年，都係絕對值得出Post賀一賀佢。當年好似有800萬左右嘅票房，令到我哋團隊之後越拍越有，嘻嘻！」

方力申趁機會多謝監製Paco黃柏高、導演葉念琛及女主角Stephy，「多謝Paco，琛導，Stephy，同所有兄弟姊妹們。一部《獨家試愛》，一首《好心好報》，從此改變了我嘅演藝事業，我感恩遇到的所有機會及提攜過我的所有人，我仍有很多角色想做但未做，我會繼續努力！」而其人生中第二次做男主角，正是同一日放映的電影《得閒飲茶》，令他永世難忘，方力申亦多謝該戲的導演林子聰。

{{hket:inline-image name="03232001.jpg"}}{{/hket:inline-image}}

{{hket:inline-image name="03232002.jpg"}}{{/hket:inline-image}}

{{hket:inline-image name="03232004.jpg"}}{{/hket:inline-image}}

方力申大讚陳瀅白滑性格爽朗 陳敏之狂推「青梅竹馬」胡定欣【下一頁】

方力申這IG Post附上《獨家試愛》結尾一幕的照片，他聲淚俱下挽留Stephy，當中對白令網民充滿幻想，「我唔知將來會點，但我而家最愛嘅係你一個，我同你有好多過去，真係唔想就咁冇咗……我而家要做呢步，就係要追番你返嚟，因為我呢刻唔可以冇咗你……」

方力申是否有所暗示？網民洗版式提議他重新追求Stephy，紛紛表示︰「係咪有咩暗示呀？行動行動」、「追番佢啦！我係話而家去追呀」、「希望你同Stephy和好如初」、「我聽到『我要追番你返嚟』！加油」、「追啦追啦！以前你哋拍嘅愛情片超好睇，真係好想你哋能夠再拍」、「支持追番Stephy」、「我支持你追番佢，尋尋覓覓原來早已找到。回頭便知，我心只有你」、「你哋分開咗咁耐2第一次見鄧麗欣讚你嘅Post」、「咁係咪代表曲線點點點啫」、「很登對的一對，希望你們會和好如初，想做就做，想愛就愛」等等。

（↓點擊圖片放大↓）

身為《獨家試愛》女主角的Stephy，截稿前未見IG出Post談及電影16周年紀念的感受，不知道是否正專心繪畫之中？她之前親繪白虎為全球祈福，白色情人節時就畫了一對企鵝，日前世界水日（3.22）就以「水」為藍本去創作，在網上炫耀畫功。

Stephy同方力申於2016年分手，女方與台灣藝人邱勝翊（王子）拍拖，因為疫情影響而分隔兩地，二人有近一年時間沒有見面，感情慢慢轉淡，結果去年結束3年情。如今單身的Stephy，不知道同方力申是否有機會重燃愛火？

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】